Медыкі, якія змагаюцца з каронавірусам, атрымаюць безліміт і бясплатныя смартфоны ад А1

А1 забяспечыць беларускіх медыкаў, якія змагаюцца з каронавіруснай інфекцыяй, бясплатнымі смартфонамі і сувяззю. 

Пра гэта 42.TUT.BY паведамілі ў прэс-службе кампаніі.
На такі крок у А1 пайшлі, каб дапамагчы медыкам з «рашэннем тэрміновых працоўных пытанняў і абменам інфармацыяй».
«Камплекты сувязі будуць выкарыстоўвацца ў самых гарачых зонах. Там, дзе адбываецца лячэнне пацыентаў з віруснай інфекцыяй, — у аддзяленнях інтэнсіўнай тэрапіі, інфекцыйных аддзяленнях, пры працы на хуткай медыцынскай дапамогі, у лабараторыях, дзе праводзіцца тэставанне аналізаў на COVID-19. Такі падыход дасць магчымасць мінімізаваць выкарыстанне асабістых тэлефонаў і знізіць рызыку распаўсюджвання інфекцыі за межамі інфіцыраваных зон», — заяўляюць у А1.
500 камплектаў, якія складаюцца са смартфонаў «А1 Альфа» і SIM-карт з безлімітнымі званкамі ва ўсе сеткі і інтэрнэтам, перададуць ва ўстановы аховы здароўя ўсіх рэгіёнаў. Іх у тым ліку будуць выкарыстоўваць «для правядзення відэаканферэнцый з рэспубліканскай кансультатыўнай групай па пытаннях лячэння пацыентаў з COVID-19».
Адзіным бенефіцыярам (асобай, якая атрымае камплекты) выступіць Рэспубліканскі цэнтр арганізацыі медыцынскага рэагавання. Менавіта гэта ўстанова будзе займацца «адрасным размеркаваннем камплектаў сувязі па ўстановах аховы здароўя Мінска, а таксама ўсіх абласных і раённых адміністрацыях».


Паводле tut.by