Меркель абвінаваціла ўлады Беларусі, што яны топчуць дэмакратыю

«Мы ўсім сэрцам — разам з мірнымі дэманстрантамі. Захапляе тое, з якой адвагай і рашучасцю яны выходзяць на вуліцы ў абарону свабоды і вяршэнства права», — сказала Ангела Меркель.



merkel_5.jpg

Ангела Меркель, канцлерка Германіі, наўпрост закранула сітуацыю ў Беларусі ў сваім штотыднёвым відэападкасце, які быў апублікаваны ў суботу, 12 верасня, і прысвечаны Міжнароднаму дню дэмакратыі 15 верасня, заснаванаму Генасамблеяй ААН, паведамляе tut.by.

«Мы бачым па ўсім свеце, як нават аўтарытарныя сістэмы могуць быць эканамічна паспяховымі і кідаць нам выклік у многіх галінах — у шкоду асноўным правам», — адзначыла кіраўнік урада Германіі. У якасці прыкладу яна прывяла становішча ў Беларусі, дзе «прыхільнасць да дэмакратыі літаральна растаптаная нагамі».

«Мы ўсім сэрцам — разам з мірнымі дэманстрантамі. Захапляе тое, з якой адвагай і рашучасцю яны выходзяць на вуліцы ў абарону свабоды і вяршэнства права», — дадала канцлер ФРГ.

На асабістым сайце Меркель размешчана эмблема, якая нагадвае аб сімвале кампаніі беларускіх пратэстаў — «Любім, можам, пераможам!», аднак адзін са знакаў — кулак — заменены тыповы жэст самой канцлеркі — на рукі «ромбікам».

Паводле tut.by