Сёння праваабаронцы атрымалі адказ, вельмі сугучны з учорашнім сюжэтам пра Акрэсціна, які паказалі на дзяржТВ.
Унізе старонкі стаіць прозвішча Шапецька. Верагодней за ўсё, адказ падрыхтаваў менавіта ён — начальнік ЦІП Яўген Шапецька. Той самы, які ўчора ў сюжэце СТВ адзначаў галоўным дасягненнем адсутнасць смерцяў у ізалятары і адмаўляў збіццё.
У адказе гаворыцца, што ў іх на кантролі праца па ўсіх зваротах, у тым ліку скаргі затрыманых на ўмовы ўтрымання 9-12 жніўня. А далей міліцыя недвухсэнсоўна намякае, што лічыць хлуснёй шматлікія сведчанні пра катаванні і бесчалавечнае абыходжанне на Акрэсціна:
"ГУУС Мінгарвыканкама прыняты меры па падтрыманні бяспекі, недапушчэнні правакацый і гвалту, а таксама па недапушчэнні распаўсюджвання ілжывай інфармацыі, якая дыскрэдытуе органы ўнутраных спраў".
