Міліцыя прыехала на «Канікулы з Богам» на Шчучыншчыне

На тэрыторыі шчучынскага касцёла адначасова з дзіцячым летнікам міліцыяй было арганізавана мерапрыемства «Свята дружбы дзяцей і дарослых», паведамляе «Еўрарадыё» са спасылкай на dzyannica.by.

Супрацоўнікі міліцыі арганізавалі на тэрыторыі касцёла ў Шчучыне мерапрыемства, якое назвалі «Святам дружбы дзяцей і дарослых». Сюды былі прывезены тэхніка, амуніцыя і зброя. У гэты час у касцёле праходзілі «Канікулы з Богам», на якія прыехалі больш за 500 дзяцей.
Як паведамляе dzyannica.by, побач з міліцыянтамі былі выхаванцы ваенна-патрыятычнага праваслаўнага клуба «Дружына». Яны паказвалі аднагодкам-каталікам, як можна хутка і спрытна зрабіць разборку і зборку зброі. Так госці касцёла хацелі зацікавіць дзяцей да службы.