Мінадукацыі запусціць інфармацыйна-адукацыйны рэсурс для школ з 1 студзеня. Пакуль у тэставым рэжыме

Міністэрства адукацыі запусціць адзіны інфармацыйна-адукацыйны рэсурс для ўстаноў агульнай сярэдняй адукацыі з 1 студзеня 2021 года.

Ён будзе працаваць у тэставым рэжыме, паведамляе REFORM.by са спасылкай на начальніка Галоўнага ўпраўлення агульнай сярэдняй, дашкольнай і спецыяльнай адукацыі-начальнік упраўлення агульнай сярэдняй адукацыі Міністэрства адукацыі Ірыну Каржову.

Рашэнне аб стварэнні такога рэсурсу было прынята вясной. Са слоў Каржовай, рэсурс не заменіць рэальны навучальны працэс у школе. Яго задача забяспечыць метадычную падтрымку навучэнцаў, якія часова не могуць наведваць школы.

На рэсурсе размешчаны электронны дзённік, часопіс, сродкі камунікацыі, бібліятэка навучальных матэрыялаў.