МЗС Польшчы адрэагаваў на высылку супрацоўнікаў генконсульства ў Брэсце

У Варшаве правяраюць інфармацыю беларускіх уладаў аб магчымай датычнасці супрацоўнікаў польскага генконсульства ў Брэсце да спробе ўцёкаў з Беларусі, які падазраецца ў здзяйсненні ДТЗ.

Польскі МЗС пацвердзіў, што павераны ў справах Польшчы ў Беларусі быў выкліканы ў беларускае Міністэрства замежных спраў "у сувязі з высылкай польскага консула ў Брэсце". "У цяперашні час робяцца крокі па праверцы прадстаўленай інфармацыі і растлумачэнні сітуацыі", — гаворыцца ў каментары МЗС Польшчы.

Беларускае дзяржаўнае агенцтва "БелТА" раней паведаміла, што прычынай выкліку польскага дыпламата ў МЗС стаў інцыдэнт у Брэсце, дзе супрацоўнікі генконсульства Польшчы "арганізавалі спробу ўцёкаў з Беларусі падазраванага ў смяротным ДТЗ грамадзяніна Польшчы". 3 студзеня паляк быў затрыманы беларускімі памежнікамі, заявілі ў МЗС Беларусі.

Па словах прэс-сакратара беларускага знешнепалітычнага ведамства Анатоля Глаза, як мінімум адзін супрацоўнік польскага генконсульства не зможа "працягнуць працу на тэрыторыі Беларусі".
Паводле www.dw.com