На аўтамагістралі М-6 пабудуюць адмысловы пераход для жабаў
Міграцыйны калідор для земнаводных з’явіцца на 197-м кіламетры трасы М6 — на ўчастку рэканструкцыі дарогі ў раёне населеных пунктаў Васілішкі — Малое Мажэйкава Шчучынскага раёну.
Ілюстрацыйнае фота. Shutterstock
Ён уяўляе сабой збудаванне з шасці жалезабетонных
трубаў дыяметрам 0,5 метра,
якія будуць выкладзеныя на адлегласці 90 мэтраў адна ад адной пад фундаментам
дарогі. У саміх трубах знаходзяцца бетонныя жалабкі з праточнай вадой, па якіх
земнаводныя будуць перапраўляцца праз аўтамагістраль,паведамляе «Гродзенская праўда».
На думку эколагаў, такімі міграцыйнымі калідорамі карыстаюцца не толькі жабы, яшчаркі, вужы, але і мышы, а таксама казуркі, якія жывуць ля балот.
Работы па абсталяванні міграцыйнага калідору пачнуцца ў лістападзе 2017 года.