На МТЗ за махінацыі з пастаўкамі абсталявання затрымалі намеснікаў гендырэктара

Чатыры намеснікі гендырэктара Минскага трактарнага завода былі затрыманыя 29 кастрычніка, паведамляе «Беларускае аб’яднанне рабочых».

Паводле аб’яднання рабочых, справа ў махінацыях з пастаўкамі абсталявання на прадпрыемствы холдынга. Шкода ў выніку гэтых аперацый можа складаць да 200 мільёнаў беларускіх рублёў.
«Беларускае аб’яднанне рабочых» называе імёны затрыманых: Сяргей Сіраценка — намеснік гендырэктара, тэхнічны дырэктар, Анатоль Кандратовіч — намеснік гендырэктара, галоўны інжынер, Сяргей Ганчароў — намеснік гендырэктара па тэхнічным забяспечанні вытворчасцей, Аляксандр Нікалаеў — галоўны тэхнолаг ААТ «МТЗ».
Паводле непацверджанай інфармацыі, на ААТ «БелАЗ» былі таксама затрыманыя 11 чалавек.
Затрыманні адбыліся напярэдадні панядзелка, 1 лістапада, у які «Беларускае аб’яднанне рабочых» заклікае беларусаў распачаць страйк.