На заснавальнікаў беларускага фонда салідарнасці завялі яшчэ адну крымінальную справу

Камітэт дзяржкантролю распачаў крымінальную справу ў дачыненні да заснавальнікаў BYSOL Андрэя Стрыжака і Аляксея Лявончыка. Пра гэта паведамляе прэс-служба КДК.
Андрэй Стрыжак. Фота: facebook.com

Андрэй Стрыжак. Фота: facebook.com


Андрэя Стрыжака, Аляксея Лявончыка і іншых асоб абвінавачваюць у «фінансаванні дзейнасці экстрэмісцкага фарміравання» (ч. 2 арт. 361-2 КК). Раней па гэтым жа артыкуле на іх завялі справу ў Следчым камітэце.

У КДК сцвярджаюць, што затрыманы індывідуальны прадпрымальнік, які пералічваў грошы беларускаму фонду салідарнасці. Акрамя таго, спецслужбы знайшлі жыхара Гомеля, які пералічваў крыптавалюты фонду — на яго пры гэтым крыміальная справа не заводзілася, бо ён «раскаяўся» і «садзейнічаў» следству.

«Цяпер органамі фінансавых расследаванняў Камітэта дзяржкантролю працягваецца адпрацоўка асоб, якія ажыццяўлялі пералічэнне сродкаў на адрас экстрэмісцкіх фарміраванняў», — адзначаецца ў прэс-рэлізе.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: