Насту Лойку працягваюць трымаць у няволі
Праваабаронца Наста Лойка не выйшла на волю пасля чарговых 15 сутак адміністрацыйнага арышту. Інфармацыі аб яе месцазнаходжанні няма, паведамляе Human Constanta.
Наста Лойка была затрымана 28
кастрычніка і пазней тройчы асуджана да адміністрацыйнага арышту. Агулам яна правяла за кратамі ўжо 45 дзён. На адным з
судоў праваабаронца распавядала пра катаванні: супрацоўнік ГУБАЗіКа ударыў яе
электрашокерам, а адзін з супрацоўнікаў ЦІП вывеў яе ва ўнутраны двор і пакінуў
без вопраткі на восем гадзін.
У нядаўнім інтэрв'ю «НЧ», незадоўга да затрымання, Наста Лойка распавяла пра непазбежнасць рэпрэсій, сваё нежаданне з'язджаць за мяжу і асабістую місію па абароне правоў чалавека.
