«Наша Ніва» больш друкавацца не будзе

Газета «Наша Ніва» спыняе рэгулярны выхад папяровай газеты. Пачытаць яе матэрыялы можна будзе толькі ў электроннай форме. Выходзіць апошні нумар газеты, цяпер НН будзе існаваць выключна як партал NN.BY.

«Наша Ніва» паказала ўсім прыклад, як адаптавацца да новай эпохі... У далейшым друкаванні яе не засталося практычнага сэнсу. Хоць, здаючы апошні выпуск, мы з настальгіяй і захапленнем разглядвалі нашы старыя першыя палосы", — напісала рэдакцыя «Нашай Нівы».

"Інтэрнэт — новая эпоха чалавецтва, настолькі ж прагрэсіўная ў параўнанні з паперай, як калісьці вынаходства Гутэнберга — проці рукапісных фаліянтаў", — лічаць у рэдакцыі "Нашай Нівы і дадаюць, што яны б "даўжэй трымаліся за папяровае выданне, калі б яму не было альтэрнатывы, калі б мы былі адзінай крыніцай інфармацыі для старэйшых, хто не мае доступу да інтэрнэту. Але ж ёсць якасныя, патрыятычныя «Народная воля», «Новы час», «Рэгіянальная газета», іншыя выданні".