Новы склад Палаты прадстаўнікоў абмяркуе з'яўленне ў Беларусі бэбі-боксаў

Новы склад Палаты прадстаўнікоў гатовы разгледзець ініцыятыву ўстаноўкі ў Беларусі бэбі-боксаў. Прычынай стане выпадак у Мачулішчах. Там на вуліцы Моладзевай ў кантэйнеры для смецця 21 верасня было знойдзена нованароджанае дзіця з прыкметамі цялесных пашкоджанняў.

Як высветлілася, вечарам 19 верасня 28-гадовая жанчына, нарадзіўшы па месцы жыхарства дзяўчынку, выкінула яе. У цяперашні час дзяўчынка знаходзіцца ў дзіцячай абласной клінічнай бальніцы, яна трапіла ў рукі лекараў, калі ёй было ўсяго каля трох гадзін ад роду.

У некаторых краінах праблему забойства нованароджаных вырашаюць з дапамогай так званага бэбі-бокса ― спецыяльнага памяшкання, дзе жанчына можа ананімна пакінуць дзіця. Такія бэбі-боксы ўжо з'явіліся ва Украіне і ў Расіі.

Новы склад парламента гатовы разгледзець ініцыятыву ўсталявання бэбі-боксаў у Беларусі. Дэпутат Палаты прадстаўнікоў Дзмітрый Шаўцоў з гэтай нагоды адзначыў, што «можна вывучыць гэты вопыт», дадаўшы да яго нейкае сваё рацыянальнае зерне, каб развіваць і далей.

Выканаўца абавязкаў дырэктара сацыяльнага прытулку для дзяцей у Савецкім раёне Мінска Наталля Варабей цалкам падтрымлівае ідэю стварэння боксаў.

«Лепш быць сіратой, чым памерці на сметніцы! Зразумела, трэба ствараць такія боксы!»

Паводле Еўрарадыё