Палітвязень Кірыл Салееў пакінуў Беларусь

Палітзняволены гукарэжысёр Тэатра юнага гледача Кірыл Салееў эвакуяваны, паведаміў у Фэйсбуку Андрэй Стрыжак.

Нагадаем, Кірыл Салееў быў затрыманы 14 верасня 2021 года.
Яму прад’явілі абвінавачанне па ч. 1 арт. 342 Крымінальнага кодэкса (дзеянні, якія груба парушаюць грамадскі парадак) і змясцілі ў СІЗА.
Суд Фрунзенскага раёна Мінска 6 студзеня 2022 года пачаў разгляд крымінальнай справы ў дачыненні да Кірыла. 11 студзеня быў вынесены прысуд: абмежаванне волі ва ўстанове адкрытага тыпу тэрмінам на тры гады.
Кірыл Салееў быў вызвалены з-пад варты ў зале суда ды вызначэння парадку адбывання пакарання.