Паўла Севярынца выклікаюць у Следчы камітэт

Сустаршыню аргкамітэта Беларускай Хрысціянскай Дэмакратыі Паўла Севярынца выклікаюць у Следчы камітэт у справе нашумелага затрымання і збіцця сляпога інваліда 18 верасня ў Менску на станцыі
метро “Уручча”.

 



21 верасня Павел Севярынец звярнуўся ў пракуратуру Першамайскага раёна Менску з патрабаваннем пакараць супрацоўнікаў міліцыі, і спаслаўся на вядомае відэа ў сеціве.
 
 
Адказ следчага па асабліва важных справах А.Г. Іўчанкі паведамляе, што ўжо 19 верасня Першамайскі раённы аддзел Следчага камітэту ўзбудзіў крымінальную справу, але не па факце супрацьпраўных дзеянняў міліцыянтаў, а па ч. 2 арт 363 Крымінальнага кодэксу РБ (супраціў супрацоўніку органаў унутраных спраў або асобе, якая ахоўвае грамадскі парадак).
 
 
Паўлу Севярынцу прапанавана прыбыць у Следчы камітэт для дачы паказанняў у якасці сведкі.
 
 
— Беззаконне як яно ёсць, у чыстым выглядзе — каментуе сустаршыня БХД, —  замест пакарання гвалтаўніка караюць ахвяру. Бессаромныя дзеянні супрацоўнікаў МУС ва ўсіх на слыху: то б’юць інвалідаў, то зневажаюць трэнера нацыянальнай зборнай, то ілжэсведчаць на футбольных заўзятараў, каб пакараць іх за шалікі з “Пагоняй”. Калі мы будзем проста абурацца на кухнях, беспакаранасць штурхне “праваахоўнікаў” на новыя злачынствы. Трэба брацца і ўсім разам казаць “праваахоўнікам” праўду ў твар.
 
 
Паводле прэс-службы БХД

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: