Пенсіянеры выйшлі на акцыю ў Мінску

У панядзелак пенсіянеры сабраліся на традыцыйную акцыю пратэсту.

Удзень 28 снежня сталічныя пенсіянеры сабраліся ля Заходняга рынку, паведамляе tut.by.
Журналісты onliner.by таксама знялі акцыю пенсіянераў на відэа:

Паведамляецца, што людзі пачалі скандаваць «Жыве Беларусь!». Некаторыя прынеслі з сабой нацыянальныя сцягі. Пра затрыманні інфармацыі няма.
Нагадаем, апошнія акцыі пенсіянераў жорстка разганяліся сілавікамі, удзельнікаў судзілі, давалі штрафы і суткі. У мінулы панядзелак, 21 снежня, пенсіянеры сабраліся ў некалькіх кропках Мінска. Сёння тактыка раённых акцый пенсіянераў працягнулася.