«Прагрэсіўныя гаспадарчыя практыкі, якія беларускія ўлады хочуць у сябе завесці, забілі ўвесь Савецкі Саюз»
Аўтар тэлеграм-каналу «Лісты да дачкі» разважае пра карысць артыкула аб адказнасці за дармаедства, які прапануе ўвесці беларуская міліцыя, і мяркуе, што ад гэтага артыкула дадасца толькі пачуцця ўласнай значнасці ў беларускіх красаўцаў.
Беларуская міліцыя прапануе ўвесці артыкул аб адказнасці за дармаедства. Я б, вядома, прапанаваў беларускай міліцыі пачаць з сябе. Але пачаць з сябе беларуская міліцыя не ўмее. Калі пачаць з сябе, то тады трэба ж трэба будзе рабіць нешта карыснае ў гэтым жыцці. А гэта не толькі супярэчыць прынцыпам існавання беларускіх красаўцаў, але можа нават стварыць пагрозу іх нацыянальнай бяспецы.
Праўда, у нацыянальнай бяспекі ўжо і так праблемы. Таму што ў выніку дзейнасці красаўцаў беларускай эканоміцы стала не хапаць. У сэнсе, людзей, якія ўмеюць рабіць эканоміцы прыбавачны прадукт. А не тых, якія ўмеюць саджаць, адымаць, дзяліць і змагацца за традыцыйныя каштоўнасці. А калі ў эканомікі не будзе прыбавачнага прадукту, то хутка няма чаго будзе адымаць і дзяліць. Таму, вядома, не дзіўна, што красаўцы так непакояцца, каб ім было хоць бы каго саджаць.
Вось як я сабе разумею, з улікам тых, хто з'ехаў з краіны, красаўцы могуць запісаць у дармаеды мінімум паўмільёна беларускіх грамадзян. А гэта, пагадзіся, вялікае поле для дзейнасці. Ёсць кім заняцца.
Праўда, ніякай карысці акрамя шкоды нацыянальнай бяспецы ад гэтага не атрымаецца. Але так далёка наперад фантазія беларускіх уладаў не зазірае. Яна наперад наогул не зазірае. Яна ўмее зазіраць толькі назад. Таму з усіх новых эканамічных ідэй беларускія ўлады могуць прыдумаць сабе толькі старыя. Як ім укараніць прагрэсіўныя гаспадарчыя практыкі Савецкага Саюза.
Можна было б, вядома, успомніць, што Савецкаму Саюзу яго прагрэсіўныя практыкі не вельмі дапамаглі. Савецкі Саюз сваімі прагрэсіўнымі практыкамі давёў савецкіх грамадзян да галечы, а сябе да магілы. Прагрэсіўныя гаспадарчыя практыкі, якія беларускія ўлады хочуць у сябе завесці, забілі Савецкаму Саюзу ўсю яго эканоміку, а потым забілі і ўвесь Савецкі Саюз. Так што, самы, вядома, час прымяніць гэтыя практыкі ў сучасным беларускім жыцці.
Хоць не трэба быць вялікім навукоўцам, каб здагадацца, што ад закона супраць дармаедаў працоўных рук у краіне больш не стане. А стане толькі менш. Па-першае, грамадзяне якія дармаедствуюць за мяжой, ну там вучацца або працуюць, вяртацца назад ужо дакладна не захочуць. Па-другое, грамадзяне, якія дармаедствуюць, у Беларусі захочуць з'ехаць. Вось калі хто раней не збіраўся, то зараз дакладна зазбіраецца.
Яшчэ, вядома, закон прынясе вялікую карысць рынку начных вартаўнікоў і вахцёраў. Падазраю, знойдзецца шмат жадаючых што-небудзь павартаваць ноччу на чвэрць стаўкі. І напэўна знойдуцца людзі, якія будуць прадастаўляць жадаючым такую магчымасць за абсалютна ўмераную аплату.
Праўда, прыбавачнага прадукту ў эканоміцы ад гэтага не дадасца. Але ж не дзеля прыбавачнага прадукту ўсё задумвалася. Затое ў беларускіх красаўцаў дадасца пачуцця ўласнай значнасці. І карысці ў вачах начальства ў штоквартальных справаздачах. А штоквартальныя справаздачы для беларускіх уладаў, вядома, больш важныя за эканамічныя перспектывы. Справаздачы можна хоць пачытаць і памацаць. А хто калі бачыў гэтыя эканамічныя перспектывы? Прынамсі з тых часоў, як сокалы скінулі пацука на прыступкі Дома ўрада ў дзень адмовы ў рэгістрацыі Бабарыку і Цапкалу.
Глядзіце таксама
