Праваабаронцы паведамляюць пра суды над людзьмі з псіхічным разладам за абразу Лукашэнкі

Праваабаронцам вядомыя як мінімум два выпадкі, калі людзей, якія пакутуюць на псіхічныя захворванні, судзілі па «палітычных» артыкулах.

У Беларусі за абразу Аляксандра Лукашэнкі судзяць у тым ліку людзей, якія пакутуюць на псіхічныя захворванні, паведамляюць праваабаронцы.

Савецкі суд Гомеля разгледзеў справу па абвінавачанні Вадзіма Фядосава ў абразе Лукашэнкі па ч. 2 арт. 368 КК. Абвінавачаны знаходзіцца ў псіхіятрычнай бальніцы на прымусовым лячэнні са снежня 2021 года ў сувязі з псіхічным разладам.

Згодна з матэрыяламі справы, у лістападзе 2021 года Фядосаў са свайго электроннага адрасу разаслаў па пракуратурах усіх буйных гарадоў зварот з шэрагам сцвярджэнняў датычна Лукашэнкі. У ходзе следства Фядосаў пацвердзіў інфармацыю, якая змяшчаецца ў лісце, і заявіў, што ўсе адказы ён атрымлівае ад «воінаў святла з матрыцы і некаторых іншых крыніц, вядомых толькі яму».

Аналагічная справа разглядалася ў Вілейцы, дзе недзеяздольнага Сяргея Сафарава судзілі за тое, што ён «паглуміўся з партрэта Лукашэнкі, груба размаляваўшы яго».

Паводле reform.by.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: