Сенатары ўхвалілі змены ў Крымінальны кодэкс Беларусі. Цяпер за заклікі да санкцый будуць караць

Сенатары ўхвалілі змены ў Крымінальны кодэкс Беларусі, паведамляе «БелТА».

Законапраект, нагадаем, раней унеслі на абмеркаванне ў Палату прадстаўнікоў. У ім гаворка ішла пра ўзмацненне жорсткасці крымінальнай адказнасці за шкоду для нацыянальнай бяспекі Беларусі. Дакумент падтрымалі дзяржорганы і прыняла Палата прадстаўнікоў. Сёння ж яго ўхвалілі ў Савеце Рэспублікі.

Дакументам узмоцнены прэвентыўны патэнцыял артыкула 361 КК, ён выкладзены ў новай рэдакцыі, паведамілі ў «БелТА» са спасылкай на старшыню Пасткамісіі Савета Рэспублікі па заканадаўстве і дзяржбудаўніцтве Сяргея Сіўца.

Дэпутат адзначыў, што артыкул гэты не новы, дзейнічаў і раней. Аднак «прынятыя ў дачыненні да Беларусі санкцыі» выклікалі неабходнасць перагляду частак гэтага артыкула, каб сфакусаваць увагу на супрацьпраўнасці дзеянняў асобных фізічных асоб і юрыдычных асоб у дачыненні да дзяржавы.

«Звязаных менавіта з публічнымі заклікамі да ўжывання санкцыйнай палітыкі. У першую чаргу гаворка ідзе пра эканамічныя санкцыі, закліканыя паралізаваць дзеянне нашай эканомікі, паставіць у жорсткія ўмовы функцыянаванне айчынных суб'ектаў гаспадарання», — растлумачыў дэпутат.

Ён лічыць, што цяперашняя рэдакцыя «будзе эфектыўнай перашкодай, каб спыніць альбо прыпыніць супрацьпраўныя дзеянні з боку адпаведных суб'ектаў».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: