Сілавікі затрымалі чарговага журналіста

Вечарам 2 жніўня ў Мінску затрымалі журналіста і экскурсавода Ігара Хмара. Яго імя з'явілася ў тэлеграм-канале «Спісы затрыманых».

Паведамляецца, што ў той вечар Хмара праводзіў экскурсію па Мінску.

Ігар Хмара праводзіць беларускамоўныя экскурсіі, раней супрацоўнічаў з парталам Realt.by.

Дзесяткі журналістаў незалежных медыя былі затрыманы падчас і пасля падзей 2020 года. Дагэтуль шмат з іх знаходзяцца за кратамі.

Аднак у выпадку з Ігарам Хмарам гаворка можа ісці пра атаку не на журналістаў, а на беларускамоўных экскурсаводаў. Іх затрымлівалі і раней, але вось учора сілавікі забралі дырэктарку тураператара «Віаполь» Галіну Патаеву — яе фірма як раз ладзіла беларускамоўныя экскурсіі.