Севярынец пра сваю дзяўчыну, Куплін і ўдзел у прэзыдэнцкіх выбарах
У Паўла Севярынца ёсць дзяўчына, яе завуць Вольга. Паводле Паўла, трэба трошкі пачакаць. Пазней ён абяцае распавесці больш пра далейшыя планы ў асабістым жыцці.
Чаму датэрмінова не вызвалілі
Севярынец лічыць, што Лукашэнка хацеў паказаць, «што ён круты і не паддаецца на ціск захаду». «Я ніколі не пісаў прашэнняў
аб памілаванні, таму мяне і не выпусцілі датэрмінова», — кажа Севярынец
Пра прэзідэнцтва
Паводле Севярынца, яму так і сказалі, што ў прэзідэнты вылучацца ён не можа, бо яшчэ два гады судзімасці.
Пра затрыманне грамадскіх актывістаў
Палітык адзначыў, што больш глабальных затрыманняў не было толькі таму, што місія МВФ знаходзіцца ў Беларусі. Але, як лічыць Севярынец, улады не змаглі ўтрымацца
ад сваіх стандартных метадаў падчас вызвалення палітвязняў.
«Логікі знайсці немагчыма», — лічыць Павал. Таксама ён пабачыў сваіх «знаёмых» міліцыянтаў Барускова і Грышчанку:
«Сказалі, што сустрэча несанкцыянаваная. Кажуць мне, маўляў, як толькі ты зваліш, мы іх вызвалім».
Пра планы ў найбліжэйшыя дні
Першае — памыцца. Другое, наведаць два святкаванні БНФ, паспець і паўдзельнічаць. Трэцяе, у панядзелак у Віцебску стаць на ўлік,
а ў аўторак 22-га ён будзе ладзіць сустрэчу для сяброў і журналістаў на сядзібе БНФ на вул. Чарнышэўскага.
Пра Куплін
Сказаў, што Куплін — гэта не Малое Сітна. Калі ў Малым Сітне мог кантактаваць з жыхарамі, то «тут усё пад наглядам, свабоды ніякай
не было. Добра, што мог мець тэлефоны і таму быў на сувязі ды ў курсе падзеяў», — распавядае Павал.
Пра вызваленне
Планавалася, што Севярынца будуць выпускаць сёння апоўдні. Распавядае, што міліцыя «штурмам брала цягнік Берасце–Масква». Паводле Паўла, яго прывезлі за пару
хвілінаў да адпраўлення цягніка, а ў яго было кілаграмаў сто грузу. А ў цягнік можна мець торбу да 36 кілаграмаў. І міліцыянты самі
цягалі яго торбы і закідвалі ў тамбур за апошнія хвіліны да ад’езду.