Сталі менш нараджаць і больш з'язджаць: беларусаў стала на 7,5 тысячы менш

Колькасць насельніцтва рэспублікі з 1 студзеня скарацілася на 7 тысяч 561 чалавека і склала на 1 красавіка 9 млн 484 тысячы 300 чалавек. Такія дадзеныя прыводзіць Белстат.

Па дадзеных статыстыкі, міграцыйны прырост за першы квартал склаў 1205 чалавек. Больш за ўсё ў рэспубліку прыбылі з краін СНД: Расіі, Украіны, Туркменістана і Казахстана.
З краіны з'ехала 3198 чалавек, што на 102 чалавека больш, чым за аналагічны перыяд мінулага года. Большасць якія з'ехалі (71,3%) выбралі Расію.
Натуральнае змяншэнне ў першым квартале склала 8766 чалавек.
За студзень-сакавік у рэспубліцы нарадзілася 23 тысячы 536 дзяцей, што на 1640 дзяцей (6,5%) менш, чым за адпаведны перыяд 2017 года.
Памерла — 32 тысячы 302 чалавека, што на 0,8% (265 чалавек) менш у параўнанні з першым кварталам мінулага года.
Як паведамляе Белстат, часцей за ўсё беларусы паміралі ад хвароб сістэмы кровазвароту (17 тысяч 875 чалавек), новаўтварэнняў (4716 чалавек) і хвароб нервовай сістэмы (1479 чалавек).
Ад старасці памерлі 3133 чалавекі.
Сярод знешніх прычын смерці лідзіруюць самагубствы (333 выпадкі) і выпадковыя атручэнні алкаголем (353 выпадкі).
Разам з тым, як сведчыць статыстыка, колькасць самагубстваў і выпадкаў атручвання алкаголем у параўнанні з першым кварталам мінулага года скарацілася — на 162 і 82 выпадкі адпаведна.
Паводле news.tut.by