Працягваецца пратэст супрацоўнікаў Белтэлерадыёкампаніі (фота, дапоўнена)
Зранку 20 жніўня на праспекце Незалежнасці ў раёне станцыі метро "Маскоўская" на акцыю пратэсту выйшлі звольненыя супрацоўнікі Белтэлерадыёкампаніі.
Яны падтрымліваюць сваіх калег, якія працягваюць забастоўку і заклікаюць казаць у эфіры праўду. Машыны сігналяць у знак падтрымкі.
Пры набліжэнні да пратэстоўцаў кіроўца палівальнай машыны адключыў падачу вады. Людзі віталі яго крыкамі "Дзякуй!"
Таксама былыя супрацоўнікі Белтэлерадыёкампаніі анансавалі стварэнне альтэрнатыўнай анлайн-платформы, на якой будзе стварацца кантэнт з праўдзівай інфармацыі.
Тэлевезійнікі вырашылі, што будуць штодзённа збірацца на гэтым жа месцы альбо каля "Беларусьфільма".