«Таварыства польскай культуры на Лідчыне» ліквідаванае ўладамі

Арганізацыя займалася культурна-асветніцкай дзейнасцю, усталяваннем памятных знакаў і шыльдаў.

Грамадскае аб’яднанне «Towarzystwо Kultury Polskiej Ziemi Lidzkiej» («Таварыства польскай культуры на Лідчыне») канчаткова ліквідаванае ўладамі праз суд.
Арганізацыя знаходзілася ў працэсе афіцыйнай ліквідацыі з 1 сакавіка паводле рашэння Гарадзенскага абласнога суду.
«Таварыства польскай культуры на Лідчыне» — адна з старэйшых недзяржаўных арганізацый Гарадзеншчыны, яна працавала 27 гадоў. Арганізацыя займалася культурна-асветніцкай дзейнасцю, усталяваннем памятных знакаў і шыльдаў.