Абвінавачванне запрасіла для Навальнага 13 гадоў калоніі і вялізны штраф

Пракуратура лічыць, што па абвінавачваннях у махлярстве і абразе суда расійскі апазіцыянер павінен адправіцца на 13 гадоў у калонію і заплаціць штраф у 1,2 млн расійсікх рублёў.

Дзяржабвінавачанне папрасіла прысудзіць апазіцыянера Аляксея Навальнага да 13 гадоў калоніі паводле абвінавачвання ў махлярстве і абразе суда, паведамляе РБК.

«Прашу прызначыць Навальнаму пакаранне ў выглядзе пазбаўлення волі тэрмінам на 13 гадоў з абмежаваннем волі тэрмінам на два гады», — заявіла на працэсе, які праходзіць у Лефортаўскім судзе Масквы пракурор Надзея Ціханава.

Таксама пракурор на працэсе папрасіў прысудзіць Навальнага да штрафу 1,2 млн руб.

Па сцвярджэнні Ціханавай, у абвінавачвання ёсць «пацверджаны сабранымі па справе доказамі склад крымінальна каральнай дзеі ў выглядзе махлярства».

Навальны назваў матэрыялы крымінальнай справы доказам празрыстасці працы свайго Фонду барацьбы з карупцыяй.

Ляфортаўскі суд Масквы пачаў 15 лютага разглядаць крымінальную справу ў дачыненні да апазіцыянера Аляксея Навальнага па чатырох эпізодах махлярства (арт. 159 КК) са сродкамі, сабранымі яго Фондам барацьбы з карупцыяй і па двух эпізодах непавагі да суду падчас працэсу па справе аб паклёпе на ветэрана Ігната Арцёменкі.