У Барысаве за «тэрарызм» судзяць былога супрацоўніка КДБ

У судзе Барысаўскага раёна 19 ліпеня пасля трохмесячнага перапынку аднавіўся разгляд крымінальнай справы мясцовага жыхара и былога супрацоўніка КДБ Іллі Трубіна. Пра гэта паведамляюць праваабаронцы.

Мужчыну абвінавачваюць па некалькіх артыкулах крымінальнага кодэкса:

• ч. 1 арт. 289 — акт тэрарызму;

• ч.2 арт. 289 — акт тэрарызму, здзеснены паўторна;

• ч. 2  арт. 295 — незаконныя дзеянні ў дачыненні да агнястрэльнай зброі, боепрыпасаў і выбуховых рэчываў;

• ч. 1 арт. 295-1 — незаконныя дзеянні ў дачыненні да прадметаў, дзеянне якіх заснавана на выкарыстанне гаручых рэчываў.

Справу разглядае суддзя Дзмітрый Крывела.

Паводле звестак следства, 34-гадовы жыхар Барысава ўчыніў падпалы двух парталаў сістэмы збору платы за праезд па дарогах «БелТолл» у Барысаўскім раёне. Пра затрыманне Трубіна стала вядома ў жніўні 2021 года. 20 чэрвеня КДБ унёс Трубіна ў спіс «асобаў, датычных да тэрарыстычнай дзейнасці».

Судовы працэс над Трубіным праходзіць у закрытым рэжыме.