У чэрвені за пратэсты асудзілі не менш за 86 чалавек

У чэрвені за пратэсты 2020 года ў Беларусі асудзілі не менш за 86 чалавек. Пра гэта паведамляюць праваабаронцы па выніках маніторынгу палітычна матываваных крымінальных спраў.


Да пазбаўлення волі было асуджана 30 чалавек. 22 чалавекі атрымалі розныя тэрміны «хіміі», 30 чалавек — «хатняй хіміі», адзін чалавек атрымаў трохмесячны арышт, два чалавек былі змешчаныя ў псіхіятрычную бальніцу. Штрафы былі вынесены васьмі падсудным.

Агулам за адзін месяц беларусам прысудзілі 109 гадоў і 4 месяцы зняволення, 53 гады і 6 месяцаў «хіміі», 73 гады і 6 месяцаў «хатняй хіміі», 3 месяцы арышту, 3200 рублёў штрафу ў якасці асноўнага і 27 520 рублёў у якасці дадатковага пакарання.

Суадносіны асуджаных мужчын і жанчын — 60,46% і 39,54% адпаведна.

«Пакаранне па палітычна матываваных крымінальных справах, звязанае з пазбаўленнем волі, яе абмежаваннем у выглядзе "хіміі", "хатняй хіміі", прымусовымі мерамі бяспекі і лячэння ў псіхіятрычным стацыянары суды ўжывалі ў 98,87% выпадках асуджэння фігурантаў "пратэсных" спраў у чэрвені», — канстатуюць беларускую рэальнасць праваабаронцы.

Па стане на 6 ліпеня ў Беларусі прызнаныя палітычнымі вязнямі 1227 чалавек. Па альтэрнатыўных падліках іх — 1518.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: