У кіраўніцы праектаў «Фонду развіцця Брэсцкай крэпасці» праходзіць ператрус
У доме кіраўніцы праектаў «Фонду развіцця Брэсцкай крэпасці» Наталлі Зданевіч у Брэсце праходзіць ператрус.
Наталля Зданевіч, фота з сацыяльных сетак
Дабрачынны «Фонд развіцця Брэсцкай крэпасці» быў створаны ў 2013 годзе, паведамляе REFORM.by. Яго дзейнасць накіраваная на вывучэнне спадчыны Брэста, захаванне і развіццё тэрыторыі Брэсцкай крэпасці.
Фонд праводзіць даследаванні па тэме спадчыны, пошук і збор архіўных і гістарычных матэрыялаў, займаецца папулярызацыяй гісторыі Брэста і Брэсцкай крэпасці.
Сярод партнёраў і сяброў на сайце Фонду прысутнічаюць Міністэрства культуры, Міністэрства спорту і турызму, Інстытут гісторыі НАН Беларусі, Брэсцкі выканкам, Брэсцкі дзяржаўны ўніверсітэт і іншыя афіцыйныя ведамствы.