У Курапатах затрымалі актывіста, які напісаў на плоце рэстарану «Кабак НКВД закрыт»
Побач з рэстаранам «Паедзем, паядзім» у Курапатах затрыманы малады актывіст Дзяніс Урбановіч, паведамляе «Радыё Свабода».
Хлопца вінавацяць у «нанясенні на агароджу надпісу «Кабак НКВД закрыт».
На Дзяніса Урбановіча ўказалі міліцыянтам у цывільным ахоўнікі забаўляльнай установы. У пакунку ў Дзяніса міліцыянты знайшлі балончык з фарбай.
Хлопца павезлі ў райаддзел міліцыі.