У лекара-анестэзіёлага БХМД Арцёма Сарокіна сёння дзень нараджэння. Ён сустракае яго за кратамі

Гэта той самы доктар, які паведаміў прэсе, што Раман Бандарэнка на момант смерці быў цвярозы.

У лекара-анестэзіёлага БХМД Арцёма Сарокіна сёння дзень нараджэння. І гэты святочны дзень Арцём праводзіць за кратамі.

Менавіта Арцём перадаў журналістам дакументы, якія сведчаць, што забіты Раман Бандарэнка не быў п'яны: у яго крыві выявілі 0 праміле алкаголю. За гэта Генеральная пракуратура ўзбудзіла супраць медыка крымінальную справу па ч.3 арт. 178 КК — раскрыццё медычнай таямніцы, што пацягнула цяжкія наступствы.

Зараз Арцёма дома чакаюць родныя — жонка і трое маленькіх дзяцей. Паводле выстаўленага абвінавачаньня яму пагражае да трох гадоў пазбаўлення волі. Праваабаронцы прызналі Арцёма Сарокіна палітычвязнем.

Крымінальная справа па факце забойства Рамана Бандарэнка да гэтага часу не ўзбуджана.