У Мінску затрымлівалі студэнтак каледжа за відэа ў TikTok

Супрацоўнікі ГУБАЗіКа затрымалі трох навучэнак Мінскага дзяржаўнага архітэктурна-будаўнічага каледжа. Адна з іх затрыманая за размяшчэнне відэаролікаў у TikTok з акцый пратэсту. Паведамляецца, што затрыманыя таксама яе сяброўкі, якія патрапілі на відэа.

ГУБАЗіК апублікаваў «пакаяльнае відэа» з імі, паведамляюць праваабаронцы.

«У мяне ёсць акаўнт у TikTok, куды я запамвала два відэаролікі апазіцыйнага характару. На дадзены момант за дадзеныя ролікі я затрыманая супрацоўнікамі міліцыі», —  кажа аўтарка на відэа, у якой 1759 падпісчыкаў у TikTok.

На дадзены момант у акаўнце дзяўчыны не знойдзена «відэаролікаў апазіцыйнага характару». Верагодна, яна выдаленыя.

ГУБАЗіК піша, што «яны ўдзельнічалі ў акцыях пратэсту ў 2020 годзе». Паведамляецца, што яны вызваленыя.