У МУС накіравана заява аб завядзенні крымінальнай справы за выкраданне Марыі Калеснікавай

Пра гэта паведамляе Свабода.

Заява сябра прэзідыюма Каардынацыйнай рады Марыі Калеснікавай аб завядзеньні крымінальнай справы па факце яе выкрадання і пагроз накіраваная ў МУС Беларусі для праверкі, паведамілі ў штабе экс-прэтэндэнта на пасаду прэзідэнта Віктара Бабарыкі.
Сябру прэзідыюму Каардынацыйнай рады Марыю Калеснікаву невядомыя затрымалі 7 верасня, яе хацелі сілком вывезці ва Ўкраіну, але на мяжы яна парвала свой пашпарт.
9 верасня Сьледчы камітэт Беларусі паведаміў, што Калеснікава арыштаваная па справе аб закліках да захопу ўлады. Яе адвакат сказала, што сама Калеснікава расцэньвае тое, што адбылося з ёй як выкраданне. Цяпер яна знаходзіцца ў Следчым ізалятары ў Жодзіна.
10 верасня адвакатка перадала ў Следчы камітэт заяву падабароннай аб завядзенні крымінальнай справы па факце выкрадання і пагроз яе жыццю.