У шклоўскай калоніі за адказы на лісты салідарнасці палітвязняў караюць ШІЗА
Як распавёў сваякам адзін са зняволеных папраўчай калоніі №17 у Шклове, што, калі палітвязні адказваюць на лісты падтрымкі чужых людзей, то іх адпраўляюць у штрафны ізалятар.
Фота Дзмітрыя Дзмітрыева
"Прыходзяць лісты, вельмі рады падтрымцы, але калі адпісвацца на лісты чужых людзей, то адразу трапляеш у ШІЗА", — перадаюць "Вясне" словы палітзняволенага сваяка.
На дадзены момант у ПК №17 знаходзіцца 39 палітвязняў. Сярод іх — палітык Павел Севярынец, бубнач Аляксей Санчук, пінскі акцёр Сяргей Волкаў, асуджаны да 10 гадоў прадпрымальнік Аляксандр Троцкі, валанцёр штаба Бабарыкі Ігар Ярмолаў і іншыя.
Таксама ў шклоўскай ПК-17 у траўні гэтага года загінуў палітвязень Вітольд Ашурак.