У «зялёным» рэйтынгу Мінск абагнаў Мадрыд, Рым, Маскву і Лондан

Нямецкі даследнік Філіп Гертнер параўнаў здымкі 43 еўрапейскіх сталіц, зробленыя касмічным апаратам Sentinel-2, і высветліў, у якіх гарадах Еўропы расце больш за ўсё дрэў і хмызнякоў.

Філіп Гертнер выкарыстаў адмысловы метад апрацоўкі спадарожнікавых здымкаў, які дазваляе выявіць розныя тыпы пікселяў і вызначыць, ці ёсць на дадзенай тэрыторыі жывая расліннасць. На аснове іх падліку даследнік вывеў «зялёны» індэкс (NDVI) для розных населеных пунктаў. Для таго каб зрабіць аналіз максімальна аб'ектыўным, у разлік прымалася толькі тэрыторыя ў радыусе 5 км ад афіцыйнага цэнтра горада.
Мінск з індэксам 0, 2718 заняў у рэйтынгу 26-ы радок, апярэдзіўшы такія гарады як Берлін, Амстэрдам, Брусэль, Вена, Парыж, Масква і Рым. Самай зялёнай сталіцай Еўропы названа Сараева ў Босніі і Герцагавіне з індэксам з яго спадарожнікавага здымка 0,678. У тройцы апынуліся сталіцы Ліхтэнштайну Вадуц (0,673) і Славеніі Любляна (0,611).
З гарадоў былога СССР самая «зялёная» Вільня — 0,5137. Талін набраў 0,459 бала, Рыга — 0,4238, Кішынёў - 0,3926, Кіеў — 0, 3887 бала. Масква атрымала 0,1426 і знаходзіцца ў ніжняй частцы рэйтынгу.
Менш за ўсё зялёных насаджэнняў у еўрапейскіх сталіцах у Афінах - 0, 0879 бала.

Даследнік адзначае, што больш «зялёнымі» з'яўляюцца маленькія сталіцы, менш «зялёныя» — прыморскія гарады, у якіх не растуць лясы, і яшчэ менш — мегаполісы. Сярод мегаполісаў (з насельніцтвам звыш 2 млн чалавек) лідэрам стаў Кіеў.

Рэйтынг зялёных гарадоў Еўропы

Сараева — 0,6778 Вадуц — 0,6738 Любляна — 0,6114 Андора-ла-Велья — 0,6074 Бэрн — 0,5996 Люксембург — 0,5801 Вільня — 0,5137 Талін — 0459 Манака — 0,4395 Осла — 0,4356 Рыга — 0,4238 Заграб — 0,4121 Браціслава — 0,4043 Кішынёў — 0,3926 Кіеў — 0,3887 Стакгольм — 0,3777 Хельсінкі — 0,3769 Прага — 0,3692 Варшава — 0,3653 Прышціна — 0,3535 Сафія — 0,3379 Скоп'е — 0,3105 Бялград — 0295 Дублін — 0291 Тырана — 0,2793 Мінск — 0,2718 Капенгаген — 0,2637 Рэйк'явік — 0,2637 Берлін — 0,2519 Бухарэст — 0,2519 Падгорыца — 0,2363 Амстэрдам — 0,2285 Брусэль — 0.1973 Вена — 0,1738 Рым — 0,1699 Мадрыд — 0,1543 Масква — 0,1426 Лондан — 0,1348 Лісабон — 0127 Парыж — 0,1191 Валета — 0,0957 Афіны — 0,0879
Паводле thinktanks.by