Удзельнік акцыі ІП: Улады будуць шукаць «ахвярных аслоў», сабе заробкі не знізяць
Прадпрымальнікі і салідарныя з імі распавялі «Белсату», чаму яны выйшлі на Плошчу.
«Я не прадпрымальнік, але выказваю салідарнасць, бо слушна кажуць: сёння прадпрымальнікі, а заўтра — усе людзі. З гэтым нешта трэба рабіць. А ўлады, відавочна, хочуць кампенсаваць сваю некампетэнтнасць за кошт простых людзей. Сёння за кошт прадпрымальнікаў, заўтра за кошт жыровак, і так будзе бясконца. Яны ж не панізяць свой узровень жыцця. Сабе заробкі не панізяць! Таму яны будуць шукаць ахвярных аслоў», — не шкадуе словаў удзельнік акцыі.
Іншы кажа, што ніхто не будзе змагацца за правы крамя саміх беларусаў і не бачыць іншага варыянту для гэтага крамя Плошчы.
Прадпрымальніца ў роспачы распавядае, што прыйшла на акцыю ад «безвыхаднасці»:
«Я працую адна, у мяне няма ні прадаўца, ні грузчыка, ні бухгалтара. Калі мне працаваць? Мне трэба проста выжыць».
Наступны ўдзельнік учорашняй акцыі заўважае:
«На самай справе так званы «русский мир» так і выглядае: вас робяць бедным, а пасля будуць вамі кіраваць».