velcom зрабіў бясплатным трафік для дадатку, які палягчае жыццё невідушчым

Кампанія velcom далучылася да праекту Stuurman ( «Штурман»), які палягчае паўсядзённае жыццё невідушчым і людзям са слабым зрокам. Улічваючы сацыяльную значнасць праекта, velcom з 31 кастрычніка 2017 года зрабіў ўвесь трафік, згенераваны дадаткам, бясплатным для сваіх абанентаў.

Бясплатны мабільны дадатак для смартфонаў «Штурман», распрацаваны рэзідэнтам ПВТ беларускай кампаніяй ТАА «Белхард Девелопмент», звязвае паміж сабой валанцёраў і слабавідушчых пасродкам відэазванкоў. Сення дадатак даступны для смартфонаў на базе Android. Невідушчыя і людзі, якія слаба бачаць, могуць ўзаемадзейнічаць з інтэрфейсам праграмы з дапамогай функцыі Talkback, актывацыя якой прадугледжана для большасці Android-смартфонаў. Вядзецца таксама праца над iOS-версіяй дадатку.
«Мы ўсведамляем грамадскую значнасць праекта Stuurman. Невідушчыя і людзі са слабым зрокам маюць вострую патрэбу ў паслугах і сэрвісах, якія дапамагаюць ім успрымаць візуальную інфармацыю, – адзначыў начальнік аддзела карпаратыўных камунікацый velcom Вячаслаў Смірноў. – Для таго, каб скарыстацца функцыяналам дадзенага дадатку, неабходна падлучэнне да сеткі інтэрнэт. Аднак яго кошт можа апынуцца пэўным бар'ерам для людзей з парушэннямі зроку. Менавіта таму мы робім увесь інтэрнэт-трафік, які будзе генераваць Stuurman у сетцы velcom, бясплатным для ўсіх яго карыстальнікаў».
Прынцып працы праграмы досыць просты. Пасля націску кнопкі «Патэлефанаваць» на сэрверы фармуецца дынамічная чарга з некалькіх валанцёраў, якія ў дадзены момант знаходзяцца анлайн. Першы валанцёр, які адгукнуўся, і становіцца на бліжэйшы час своеасаблівым правадніком-штурманам для невідушчага або чалавека са слабым зрокам. Праз камеру смартфона і выкарыстоўваючы сэрвіс геалакацыі «штурман» можа дапамагчы яму зарыентавацца на мясцовасці або прачытаць патрэбны надпіс. У дадатку таксама маецца магчымасць зрабіць здымак, каб можна было разгледзець што-небудзь больш дэталёва – напрыклад, тэкст, напісаны дробным почыркам, кошт на аплату камунальных паслуг, ліст, рэцэпт і многае іншае.
«У паўсядзённым жыцці існуе шмат сітуацый, калі невідушчым людзям неабходна прачытаць надпіс – тэрмін прыдатнасці, склад – на якім-небудзь прадукце або леку. Звычайна яны спадзяюцца на шрыфт Брайля, але часта айчынныя вытворцы прадуктаў і лекаў не выкарыстоўваюць яго на сваіх ўпакоўках», – тлумачыць Яўген Пятрушын, заснавальнік кампаніі ТАА «Лабараторыя Інавацый» (правайдэр сэрвісу).
Пасля здзяйснення званка невідушчы можа паставіць ацэнку аказанай яму дапамогі, што дазволіць яму ў далейшым адмовіцца ад паслуг «штурманаў», узаемадзеянне з якімі праходзіць не вельмі паспяхова, і камунікаваць толькі з тымі, чыя дапамога аказваецца найбольш плённай. Дзякуючы такой індывідуальнай сістэме рэйтынгу з часам фармуецца кола правадыроў, якія будуць карыснымі асабіста для яго. Паскорыць гэты працэс можна і праз функцыю «Любы штурман», куды можна запісаць акаўнты пэўных людзей.