За наезд на супрацоўніка міліцыі ў жніўні 2020 года жыхара Баранавіч асудзілі на сем гадоў калоніі

У судзе Баранавічскага раёна і Баранавічаў вынесены прысуд па крымінальнай справе Паўла Лінкевіча, абвінавачанага ў наўмысным прычыненні цяжкага цялеснага пашкоджання супрацоўніку міліцыі (ч. 2 арт. 147 КК). Пра гэта паведамляюць праваабаронцы.

Па матэрыялах следства, у жніўні 2020 года ў Баранавічах 35-гадовы мужчына здзейсніў наўмысны наезд на супрацоўніка органаў унутраных спраў. У выніку супрацоўніку былі прычыненыя цяжкія цялесныя пашкоджанні, з якімі яго шпіталізавалі ў бальніцу.

Мужчына быў абвешчаны ў вышук і пасля вяртання з Польшчы 5 траўня 2022 года ён быў затрыманы і змешчаны пад варту.

Суддзя Мікалай Кміта асудзіў Лінкевіча да да 7 гадоў пазбаўлення волі ў калоніі ўзмоцненага рэжыму.