За суткі выяўлена 1302 выпадкі COVID-19

Міністэрства аховы здароўя Беларусі апублікавала статыстыку па каронавірусе: за мінулыя суткі зарэгістравана 1302 новыя выпадкі заражэння COVID-19.

З пачатку пандэміі ў краіне дыягназ быў пастаўлены 469717 пацыентам.

Выпісаныя 1355 чалавек, афіцыйна ачунялымі лічацца 463599 пацыентаў, піша REFORM.by.

11 чалавек памерлі за суткі з выяўленай каронавіруснай інфекцыяй. Агульная колькасць ахвяр дасягнула 3681.

У краіне зрабілі 7,66 млн тэстаў, з якіх 18817 правялі за суткі.

Апошнім часам мае месца тэндэнцыя на павелічэнне выпадкаў захворвання COVID-19. Так, 17 жніўня Міністэрства аховы здароўя паведамляла пра 597 новых выпадкаў, 18 жніўня іх было ўжо 1061, 19 жніўня — 1355, 20-га — 1738, 21-га — 1467.