Заснавальнікі анлайн-крамы 21vek выйшлі з СІЗА

Заснавальнікам анлайн-крамы 21vek змянілі меру стрымання і выпусцілі з СІЗА, паведамляе партал, прызнаны беларускімі ўладамі экстрэмісцкім.

У следчым ізалятары Сяргей Вайніловіч, Павел Матусевіч, Іван Плюгачоў і Сяргей Стаюнічаў правялі восем месяцаў.

Ператрусы ў офісе анлайн-крамы 21vek адбыліся 22 чэрвеня 2021 года. У той жа дзень былі затрыманыя заснавальнікі кампаніі. Таксама ў той дзень сілавікі прыйшлі ў кампаніі «Юркас» і «Модум».

Праз месяц у эфіры дзяржаўнага тэлебачання паказалі сюжэт, у якім бізнесоўцаў абвінавацілі ва ўхіленні ад падаткаў. А напрыканцы ліпеня 2021-га Аляксандр Лукашэнка заявіў, што сілавікі выкрылі фірмы, якія падтрымлівалі палітычныя перамены ў дзяржаве. У іх ліку ён назваў кампаніі 21vek, «Модум», «Белцяжмаш».