Жонку вядомага кампазітара Віктара Капыцько затрымалі за свечку ў акне, выстаўленую больш за год таму

Наталля Капыцько, жонка музыканта і кампазітара Віктара Капыцько, была затрыманая ў панядзелак, 6 снежня, паведаміла журналістка Ірына Халіп на сваёй старонцы ў Facebook.

Прычынай арышту стала тое, што 12 лістапада мінулага года, у дзень гібелі Рамана Бандарэнкі, у пары Капыцько ў акне гарэла свечка. У якасці доказу выкарыстаная відэаздымка, якая вялася з вуліцы.

Суд над Наталляй адбудзецца ў аўторак. Яе мужа папярэдзілі, што перадачы на Акрэсціна не прымаюць.

Паводле «Еўрарадыё».