ЗША — Макею: Неабходна неадкладна вызваліць усіх палітвязняў

Дарадца Дзярждэпартамента ЗША Дэрэк Шоле ў панядзелак заклікаў неадкладна вызваліць усіх палітвязняў у Беларусі — і ў прыватнасці кансультанта «Радыё Свабода» Ігара Лосіка. Гэта адбылося падчас тэлефоннай размовы з міністрам замежных спраў Беларусі Уладзімірам Макеем.

Прадстаўнік Дзярждэпартамента заявіў пра рашучую падтрымку Злучанымі Штатамі прапаноў пра сапраўдны дыялог з лідарамі пратэставага руху з мэтай правядзення сёлета свабодных і справядлівых выбараў пад міжнародным назіраннем.

Бакі таксама абмеркавалі абмен пасламі паміж Беларуссю і ЗША.

Паводле праваабаронцаў, у Беларусі ўжо 288 палітычных зняволеных.

Паводле «Свабоды».