Журналіста «Белсата» Віктара Ярашука пакаралі штрафам у 40 базавых

Раніцай у сераду ў Пінску быў затрыманы журналіст тэлеканала "Белсат" Віктар Ярашук. Журналіста затрымалі на вуліцы два чалавекі ў цывільным і прапанавалі яму прайсці ў будынак міліцыі нібыта для размовы.

Пазней у міліцыі супраць Ярашука быў складзены адміністрацыйны пратакол паводле артыкула 22.9 Кодэкса аб адміністрацыйных правапарушэннях (парушэнне парадку вырабу і распаўсюду прадукцыі СМІ).
Супрацоўнікі міліцыі даставілі журналіста ў суд Пінскага раёна, які аператыўна заслухаў справу і прызнаў Віктара Ярашука вінаватым ды пакараў штрафам у 40 базавых велічыняў (920 беларускіх рублёў). Журналіст намераны абскардзіць затрыманне і судовае рашэнне.
Прэс-служба ГА "БАЖ"