Журналісты расійскага тэлеканала «Дождж» затрыманыя ў Мінску. Абноўлена

Два карэспандэнта і аператар расейскага тэлеканала «Дождж» затрыманыя ў нядзелю ў Мінску, паведамляецца ў телеграм-канале «Дажджу».

«У Мінску затрыманыя нашы карэспандэнты Уладзімір Роменскі і Васіль Палонскі, а таксама аператар Мікалай Анціпаў. Людзі ў цывільным і ў масках паклалі іх на асфальт і адвялі ў невядомым напрамку», — гаворыцца ў паведамленні тэлеканала.
На відэа затрымання, якое з'явілася ў сацыяльных сетках, відаць, што журналістаў затрымлівалі не менш за 10 чалавек.
«Дождж» таксама паведамляе, што прадстаўнік штаба незарэгістраванага кандыдата Віктара Бабарыкі, паплечніца Святланы Ціханоўскай Марыя Калеснікава распавяла ім, што журналістаў затрымалі пасля таго, як яны пагаварылі з ёй на вуліцы.
«Інтэрфакс-Захад» не мае афіцыйнага пацвярджэння МУС Беларусі гэтай інфармацыі.
Дапоўнена: Журналісты расейскага тэлеканала "Дождж", затрыманыя ў нядзелю ў Мінску, як мяркуецца, знаходзяцца ў глаўку МУС Беларусі па барацьбе з аргзлачыннасцю і карупцыяй, паведамляе тэлекампанія.
"Вядома, што апошняя геалакацыя, пра якую нам удалося даведацца ў тэлефоне (аператара) Колі Анціпава — гэта вуліца Рэвалюцыйная, дом 3. Па гэтай геалакацыі знаходзіцца Галоўнае ўпраўленне па барацьбе з арганізаванай злачыннасцю і карупцыяй МУС Рэспублікі", — паведаміў у эфіры "Дажджу" вядучы Антон Жалноў. Як паведаміў тэлеканалу адвакат Антон Гашынскі, журналістаў могуць дапытаць і перадаць у аддзел грамадзянства і міграцыі Мінска для дэпартацыі або проста адпусціць.
interfax.by