Дабрачынны баль у сядзібе Агінскага — 17 студзеня
Баль пройдзе 17 студзеня а шостай гадзіне вечара ў Залессі.
Фота upinfo.ru.
Падчас балю вы навучыцеся танцаваць, як у эпоху Міхала Клеафаса Агінскага, бальнаму цырыманіялу, этыкету, правільна трымаць веер, салонным гульням. Вас чакаюць музычныя сюрпрызы і дабрачынны аўкцыён.
Для жанчын – вячэрняя сукенка, для мужчын – фрак
На баль можна трапіць, калі прытрымлівацца дрэс-кода. Для дам – гэта вячэрняя сукенка, абавязкова доўгая, альбо сукенка XIX стагоддзя. Для мужчын – фрак, смокінг або касцюм: белая сарочка, гальштук-бабачка або шыйная хусцінка.
За сродкі, атрыманыя ад білетаў і аўкцыёна, набудуць экспанаты для музея-сядзібы Міхала Клеафаса Агінскага, пойдуць на іншыя дабрачынныя мэты.
Цана білета – 300 тысяч рублёў.
Набыць білеты можна па адрасе: Смаргонь, вуліца Кутузава, 23 або ў музеі-сядзібе Міхала Клеафаса Агінскага ў Залессі.