Пра што жартуюць беларусы. Самыя сьмешныя мемы
Паглядзіце гэтыя напраўду ўдалыя мемы, якія стварылі беларусы. На адмысловай старонцы ў Instagram нават прайшло галасаваньне. А які мем самы сьмешны на ваш погляд?
Як адзначалі арганізатары, ідэя правесьці конкурс беларускіх мемаў узьнікла даволі нечакана: яе проста прапанаваў падпісант. Спачатку не было зразумела, ці будзе гэта камусьці цікава, аднак праведзеная апытанка паказала: запыт адназначна ёсьць.
Зьдзівіла тое, наколькі якасныя мемы могуць рабіць людзі, якія раней ніколі гэтым не займаліся. Амаль пад кожным пастом для галасаваньня маюцца камэнтары прыкладна аднолькавага зьместу: выбраць мем, які пройдзе ў наступную стадыю конкурсу, дужа складана.
Найбольш распаўсюджанымі сталі жарты пра дранікі, беларускую мову і гісторыю.
Заўважана і цікавая асаблівасьць: часта больш галасоў атрымлівалі мемы ня столькі сьмешныя, колькі тыя, што падкрэсьліваюць нацыянальную ідэнтычнасьць.
Самы яскравы прыклад — пераможца конкурсу (сюжэт пра тое, як выглядала б Беларусь, калі б мы размаўлялі на роднай мове).
