Развітанне з Сяргеем Філімонавым пройдзе ў пятніцу

Цырымонія развітання з тэлевядучым Сяргеем Філімонавым пачнецца заўтра, 19 лістапада, у 11.30 у рытуальнай залі крэматорыя Паўночных могілак.


Пра гэта паведаміў менеджар культуры Сяргей Будкін, піша «Наша Ніва».

Вядомы вядучы Сяргей Філімонаў памёр учора ва ўзросце 62 гадоў. Ён шмат гадоў вёў звышпапулярную беларуккамоўную праграму пра кіно, музыку і культуру «Відзьмо-невідзьмо».

«Відзьмо-невідзьмо» ад 1992 году выходзіла на БТ, затым 2011 году — на СТВ. За гэты час перадача стала культавай для пакалення беларусаў. У праграме абмяркоўваліся навіны і з’явы кіно, поп-культуры ды сучаснага мастацтва. З 2015 году праграма адрадзілася на «Белсаце».

«Не памылюся, калі скажу, што Сяргей сфарміраваў густ цэлага пакалення беларусаў. У гэтым беспрасвеце з “двума кусочечкамі калбаскі” ды іншага трэшака, што ліўся з экранаў і калонак шапікаў з касетамі, ён быў арыенцірам. Дзякуючы яму я дазнаўся, напрыклад, пра існаванне "Jethro Tull" і Ніла Янга. А яшчэ пачуў, наколькі прыгожай і сучаснай можа быць беларуская мова, на якой ён прадстаўляў навінкі сусветнага шоу-бізу», — напісаў пра яго Сяргей Будкін.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: