Сёння польскія і беларускія артысты выступяць з супольным канцэртам у знак салідарнасці з Беларуссю
Канцэрт будзе паказаны па трох польскіх каналах і па тэлебачанні «Белсат».
Фота Дзмітрыя Дзмітрыева. 6 верасня 2020 года
Сёння польскія і беларускія артысты выступяць з супольным канцэртам у знак салідарнасці з грамадзянамі Беларусі, якія выказваюцца супраць рэжыму.
Канцэрт арганізоўвае Нацыянальны цэнтр культуры Польшчы і дзяржаўнае Польскае тэлебачанне. Канцэрт будзе паказаны па трох польскіх каналах і па тэлебачанні «Белсат».
У канцэрце прымуць удзел зоркі польскай музычнай сцэны Эдыта Гурняк, Станіслаў Сойка, Катажына Цэрэквіцка, Славэк Унятоўскі ды іншыя. З беларускага боку выступяць Лявон Вольскі, Вераніка Круглова, Shuma, Віктар Шалкевіч ды Зміцер Вайцюшкевіч. Акрамя таго, на сцэне выступіць беларус Максім Войцюль — вядучы майстар сцэны Нацыянальнага польскага балету.