Уладзімір Някляеў: «Сённяшняе пакаленне беларусаў паўтарае лёс пакалення сталінскіх часоў…»

Славуты беларускі пісьменнік прэзентуе свой новы раман «Гэй Бэн Гіном» не ў Беларусі, а за мяжой.

«Раман «Гэй Бэн Гіном», які чатыры гады таму я пачынаў як гістарычны, а дапісваў яго ўжо як сучасны, выдадзены ў Польшчы, — распавядае Уладзімір Някляеў. — На беларускай мове. З 25 лістапада пачаліся прэзентацыі кнігі ў Кракаве, Варшаве, Уроцлаве, Познані, Гданьску, Лодзі, Беластоку — у гарадах, дзе сёння найбольш беларусаў. Найперш тых, хто апошнім часам змушаны быў пакінуць Айчыну…

Раман стаў актуальны, бо вярнулася тое, што, здавалася, назаўсёды засталося ў гісторыі. Сённяшняе пакаленне беларусаў паўтарае лёс пакалення сталінскіх часоў. Гадоў рэпрэсій, ахвярамі якіх сталі найлепшыя сыны і дочкі Беларусі. У тым ліку нацыянальны геній Янка Купала, пра жыццё і гібель якога раман.

Шмат хто пытаецца пра назву кнігі: што яна азначае? У перакладзе гэта «Геена вогненная». Ці папросту пекла, у якім (у вечным страху быць арыштаванымі, апынуцца ў турмах, у лагерах, у Курапатах) пражылі сваё жыццё персанажы рамана. І ў якім тысячы беларусаў неспадзявана апынуліся сёння…»

Ва ўсіх прэзентацыях новага рамана Някляева ўдзельнічае таксама і Зміцер Вайцюшкевіч.

Між іншым, не выключана, што «Геена вогненная» будзе выдадзена і ў Беларусі.

«Народная Воля»



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: