Ацэначная місія БДІПЧ АБСЭ будзе знаходзіцца ў Беларусі з 15 па 17 ліпеня

Прадстаўнікі ацэначнай місіі БДІПЧ АБСЕ 15 ліпеня
сустрэнуцца з кіраўніцтвам ЦВК Беларусі. 



Ацэначная місія Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе (БДІПЧ АБСЭ) будзе знаходзіцца ў Беларусі з 15 па 17 ліпеня.


"Справаздача будзе абнародаваная праз тры тыдні пасля вяртання місіі", — удакладнілі ў БДІПЧ. У Беларусі місія плануе правесці сустрэчы з прадстаўнікамі органаў дзяржаўнай улады і грамадзянскай супольнасці, а таксама асноўных палітычных партый, СМІ, недзяржаўнымі арганізацыямі і з мяркуемымі кандыдатамі на прэзідэнцкую пасаду. 


Згодна са стандартамі БДІПЧ задача гэтай місіі — ацаніць перадвыбарную атмасферу і падрыхтоўку да выбараў. Грунтуючыся на гэтай ацэнцы, місія будзе рэкамендаваць, ці неабходна АБСЭ разгортваць назіранне за выбарамі, а таксама якім чынам весці гэты маніторынг. 


15 ліпеня прадстаўнікі ацэначнай місіі сустрэнуцца з кіраўніцтвам Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў.

www.radyjo.net

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: