Былы бразільскі прэзідэнт ідзе ў турму

Суд даў яму 24 гадзіны на тое, каб здацца паліцыі.

Былы прэзідэнт Бразіліі Луіс Ігнасіа Лула да Сільва атрымаў 24 гадзіны на тое, каб здацца правасуддзю ды пачаць адбыццё прысуджанага яму 12-гадовага турэмнага зьняволення. Такі вердыкт вынес бразільскі федэральны суддзя Серджыа Мора.
Палітык асуджаны за атрыманне хабару ад інжынернай кампаніі ўзамен за перамогу ў тэндэрах, якія ладзілі дзяржаўныя прадпрыемствы.
Палітык звярнуўся з просьбай да суду, каб той дазволіў яму заставацца на свабодзе, пакуль не былі вычарпаныя ўсе магчымыя апеляцыі.
Былы бразільскі прэзідэнт стаў прадметам антыкарупцыйнага расследавання ў 2016-м годзе. У рамках гэтай справы ўжо асуджана больш за 80 чалавек. У ліпені 2017 суд прызнаў палітыка вінаватым у атрыманні хабару на агульную суму за 1,2 мільёны долараў і прысудзіў яго да 9,5 год пазбаўлення волі. У студзені бягучага года суд другой інстанцыі пакінуў у сіле прысуд, павялічыўшы пакаранне да 12 гадоў пазбаўлення свабоды.
Паводле беларускай службы Польскага радыё