Ціханоўская: Пуцін і Лукашэнка пацерпяць паразу

Святлана Ціханоўская заявіла, што Беларусь можа стаць часткай еўрапейскай сям'і, калі  Пуцін і Лукашэнка пацярпяць паразу.

Фота з тэлеграм-канала Святланы Ціханоўскай

Фота з тэлеграм-канала Святланы Ціханоўскай

Каб Беларусь увайшла ў еўрапейскую сям'ю, Пуцін і Лукашэнка мусяць пацярпець паразу. «І яны пацярпяць яе», — заявіла беларуская лідарка на канферэнцыі Лейбарысцкай партыі Вялікабрытаніі, паведамляе «Позірк».

Паводле словаў Святланы Ціханоўскай, «правы чалавека і абарона свабоды — гэта не прыватны выпадак». «Сапраўдныя дэмакратыі павінны аб'яднацца, каб абараняць адна адну», — дадала Ціханоўская.

Яна перакананая, што «без перамогі ва Украіне немагчыма свабодная Беларусь, а без свабоднай Беларусі не можа быць трывалага міру ў Еўропе».